Programm:
Programmüberblick Startseite Plattdüütsch leevt
Leebe Maaten,
leebe Frünnen von‘ t Plattdüütsche!
Wi
hofft, dat Ji Wiehnachten goot verleevt hebbt un wünscht Jo all Gesundheit, Glück
und Tofredenheit in 2006. So schall dat denn ab Januar wadder heten: „Plattdüütsch
leevt“, nich blots bi de Oolen, nee, ok bi de Jungen. In dit halbe Joahr hebbt
wi wadder twee niege Gäst. De een, Silke Frakstein, kummt ut Hamborg un
is in’n Norden von de Elv bekannt un de anner, Alfred Sitte, kummt von de
Ostseeküst’ ut Meckelborg, wo se em as „Käpt’n Alfred“ kennen doot.
Uns Vörlesswettbewerb för de Schoolen „Schoolkinner leest Platt“ för dat
Schooljoahr 2005/2006 is utschreben un bit nu hebbt sick al süstein Schoolen
anmeld. Villicht kiekt Ji jo bi de Endutscheedung mol mit rin?
Uns Utfoahrt mokt wi ditmol ierst in’n Harvst. Veroden könnt we al, dat dat no Meldörp in Dithmarschen gohn ward. Ji sünd doch dorbi?
Programm för dat ierste halbe Joahr 2006
To’n Klönschnack dropt wi uns ümmer in den „AWO-Senioren-Treff“ in Neegroben, obends Klock süss fangt wi an un holt an bit eben vör Klock acht.
|
Maand |
Tied un Oort |
Veranstalten |
|
Mittweken,
18. Januar 2006 Klock 18.00 in den „AWO-Senioren Treff Neugrabener Markt 7 |
Klönschnack:
Silke Frakstein Is dat ierstmol bi uns, man dör ehr Vördräg un ehr plattdüütsch
Sendungen op den „Offenen Kanal“ is se al mennigeen bekannt. Se kummt
ut Hamborg und bringt us mit: „Mit „Punker“ un „Computer Oma“ in dat Niege Joahr“. |
|
Maand |
Tied un Oort |
Veranstalten |
|
Mittweken,
15.Februar 2006 Klock 18.00 in den „AWO-Senioren-Treff“ Neugrabener Markt 7 |
Klönschnack: Ordentliche Mitgliederversammlung ( De
Inlodung is bileggt) un dorno:
„Je-Ka-Mi“ ( Jeedereen kann mitmoken) Hier vertellt Ji Jon
iernste oder ok lustige Belevnisse. |
|
Maand |
Tied un Oort |
Veranstalten |
|
Mittweken,
15. März 2006 Klock 18.00 in den „AWO-Senioren-Treff“ Neugrabener Markt 7 |
Klönschnack:
Anneliese
Braasch
brukt
een nich mir vörtostellen! Se freit sick op uns Klönschnack. Ditmol
vertellt se: „Un
dat nu ok noch“ |
|
Maand |
Tied un Oort |
Veranstalten |
|
Sündag, 9.
April 2006 Klock 15.00 bit 17.15 Schützenheim
Neugraben Im
Neugrabener Dorf 48 Intritt:
12,00 € |
Een Nomiddag mit
Alfred Sitte „Käpt’n Alfred“ besöcht uns to’n
iersten Mol. Bekannt is he an de ganze Ostseeküst, dör Optree bi ARD,
ZDF un N3 un nu ok bi uns. We hürt von em: „Geschichten un Musik von de Waterkant“ |
Korten för den Nomiddag mit
Alfred Sitte gifft dat bi`n Klönschnack. För uns Maaten liggt een Bonus-Kort
öber 3 € bi, de Ji bi`n Klönschnack inleusen könnt.
|
Maand |
Tied un Oort |
Veranstalten |
|
Mittweken,
19. April 2006 Klock 18.00 in den „AWO-Senioren-Treff“ Neugrabener Markt 7 |
Klönschnack:
Hans-Jürgen Forster
De Hambörger Fründ
von de Ostfriesischen Eilanden kummt giern wadder to uns. Ditmol verklort
he uns: „Platt is nich ümmer
platt“ |
|
Maand |
Tied un Oort |
Veranstalten |
|
Mittweken, 17. Mai 2006 Klock 18.00 in den „AWO-Senioren-Treff“ Neugrabener Markt 7 |
Klönschnack:
Heike
Fedderke
ut Wischhoben is lang nich
bi uns ween, un deswegen freit se sick besonners bi un to sien. Ditmol
bringt se „Platt dör’t Joahr“ mit. |
|
Maand |
Tied un Oort |
Veranstalten |
|
Dönnerstag, 18. Mai 2006 Klock 15.00 Schule Schnuckendrift, Mehrzweckhalle |
14. Vörleswettbewerb
„Schoolkinner
leest Platt“
Endutscheedung
|
|
Maand |
Tied un Oort |
Veranstalten |
|
Mittweken 21. Juni 2006 Klock 18.00 in den „AWO-Senioren-Treff“ Neugrabener Markt 7 |
Klönschnack:
Frauke
Petershagen
Kummt ut Jesteburg un hett Nieges to vertellen.
Ditmol het se för deshalb dit mitbröcht: „Nieges ut de Heid’“ |
Wi freit uns op Jon Beseuk un wünscht Jo all veel Vergneugen bi dat nee Programm.
Leebe Maaten, de Joahresbidrag 2006 ward fällig. De Bidrag is 12,00 €. Dat wür scheun, wenn Ji to`n Inbetohlen den Öberwiesungsschien nimmt, den wi bileggt hebbt. Danke!