Uns Jubiläumsjoahr is nu al wadder vörbi. Wi hofft, dat Ji all in de een oder anner Wies dor an deelnehmen kunnen un so Jo’n Spoß un Freid hat hebbt. Besonners freid hebbt wi uns doröber, dat een ganzen Barg neie Gesichter dorbi weern, wenn wi uns dropen hebbt. Mennigeen dorvon is nu al Maat bi uns worden.
Dat wiest, dat Plattdüütsch noch nich an’t Utstarben is! Noch verstoht dat veel mihr Minschen, as een so annehmen deit. Noch leevt de Spraak, noch könnt wi se snacken un plegen. Deswegen schall dat ok in’t neie Programm wadder een Wessel geben von bekannten un nich so bekannten Schrieberslüüd, de bi uns vördrägen ward.
To’n Klönschnack dropt wi uns ümmer in den „AWO-Senioren-Treff“ in Neegroben, obends Klock süss fangt wi an un holt an bit eben vör Klock acht.
Zum 2. Halbjoahr 2001 Programmüberblick
Januar | Mittweken,
17. Januar 2001 Klock 18.00 in den„AWO-Senioren-Treff“ Neugrabener Markt 7 |
Klönschnack: Elke Wriedt, de bekannte Schriebersfru ut Borsfleth, besöcht uns wadder un vertellt von „Minschen un de grote Welt“. |
Februar | Mittweken,
21. Februar 2001 Klock 18.00 in den„AWO-Senioren-Treff“ Neugrabener Markt 7 |
Mitgliederversammlung
( mol ut de Reeh ) un dorno: Klönschnack: Je-Ka-Mi ( Jedereen kann mitmoken ) Hier vertellt Ji Jon lustige oder ok iernste Belevnisse. |
März | Mittweken,
21. März 2001 Klock 18.00 in den„AWO-Senioren-Treff“ Neugrabener Markt 7 |
Klönschnack: Hinnik Kinau un Helmut Becker kommt wadder to uns. Hinnik vertellt uns „Rudl Kinau - Geschichten von mien Vadder“, un Helmut mokt dor mit. |
April | Mittweken,
08. April 2001 Klock 15.00 bit 17.15 in Schützenheim Neugraben Im Neugrabener Dorf 48 |
Een
Nomiddag mit: Jochen Wiegandt, de bekannte Schrieber un Muskant, de uns toletzt bi de Jubiläums-Gala begeistert hett, bringt uns: „100 Joahr Richard Germer“ Sien Leben in Leeder un Geschichten |
Bi
Kaffee un Koken lot wi uns dörch de Musik verweuhnen.
Klock
14.00 ward
de Sool open mokt
Korten
gifft dat för 15 DM bi’n Klönschnack oder dörch Vörbestellen
bi
Wolfgang Voß, Tel.: 701 37 77.
För
uns Maaten liggt een Gootschien öber
5 DM bi.
Dat wür scheun, wenn Ji Jon Korten rechtiedig besorgt oder vörbestellt. Ji
helpt uns so bi’t Plonen Danke
April | Mittweken,
18. April 2001 Klock 18.00 in den„AWO-Senioren-Treff“ Neugrabener Markt 7 |
Klönschnack: Ut Schwerin besöcht uns Hannelore Hinz, de menigeen ok ut’n Fernsehn as „Treckfidel-Hanne“ kennt. So heet dat denn: „Een sinnig Abend mit Treckfidel-Hanne“. |
Mai | Sündag, 6. Mai 2001 | Utfoahrt Dörch dat Elbe-Weser-Dreeeck |
An dissen Dag führt wi
no Bremerhaven un kiekt dat Schifffahrtsmuseum, den „Zoo am Meer“ oder de
Gegend an. Denn führt wi wieder un mokt ierstmol Middagspaus. Eten brukt een jo
ok, un dorno kann een sick’n beeten an den Flögelner See de Fööt verpetten.
Wieder geiht dat no Osten/Oste. Dor kiekt wi dat Buddelmuseum ( mit lütten
Schluck ) un de Kark un führt mit de ole Schwebefähr. In’n Fährkrug gifft
dat dorno Kaffee un Koken. Jä, un denn, denn geiht dat dör de Bleut in Olland
wadder retour no Neegroben.
Losgohn deit dat: Klock
8.00
an’n
Bohnhof Neegroben
Kösten deit dat: 60
DM
( all,as dat nu heten deit, inklusive )
Wenn’t
all so klappt as dat plont is, sünd wi gegen Klock halbig acht wadder in
Neegroben.
Korten för de Utfoahrt gifft dat bi’n Klönschnack.
Mai | Mittweken,
16. Mai 2001 Klock 18.00 in den„AWO-Senioren-Treff“ Neugrabener Markt 7 |
Klönschnack Uns Fründ Kuno Karls ut Hagenow hett toseggt uns Neies von Fieken to vertelln. Un so heit dat vonobend: „Fiek’n hett schräb’n ut Hagenow“ |
Juni | Mittweken,
20. Juni 2001 Klock 18.00 in den„AWO-Senioren-Treff“ Neugrabener Markt 7 |
Klönschnack Von Hagenow in’t Olland. Uns Maat un Schriebersmann Henry Mohr bringt uns neie „Geschichten ut dat scheune Ole Land“ mit. |