Programm:
Programmüberblick Startseite Plattdüütsch leevt
Leebe Maaten, leebe Frünnen von‘ t Plattdüütsche!
För
de Sommer- un Urlaubstied wünscht wi Jo all goode Erholung un veel Freid un Spoß
bi all`ns wat Ji mokt. Verholt Jo goot.
Blievt gesund un munter, so dat dat
denn no uns Sommerpaus wadder heiten deit: „Plattdüütsch leevt“ hett Klönschnack,
dor goh ick hin un bring noch eenen mit!!
För dat
tweete halbe Joahr hebbt Vertellers toseggt, de wi all geern noch wadder beleven
wullen. Un se freit sick al op uns Klönschnack oder Wiehnachtsfier!
Also, bit September. Holt Jo fuchtig, wi seht uns!
To’n Klönschnack dropt wi uns ümmer in den „AWO-Senioren-Treff“ in Neegroben, obends Klock süss fangt wi an un holt an bit eben vör Klock acht.
Maand |
Tied un Oort |
Veranstalten |
September |
Mittweken,
17. September Klock 18.00 in den „AWO-Senioren-Treff“ Neugrabener
Markt 7 |
Klönschnack
Ut Schwerin
kommt Hannelore Hinz As „Treckfidel Hanne“ is se bekannt un freit sick
bannig, uns wadder Geschichten ut Meckelborg vertellen to können. Un dat
heit denn: „Mien
Nom is Hinz“ |
Maand |
Tied un Oort |
Veranstalten |
Oktober
|
Mittweken,
15. Oktober Klock 18.00 in den „AWO-Senioren-Treff“ Neugrabener
Markt 7 |
Klönschnack
Wohnen
deit he in Jork, man Finkwarder hett he nich vergeten! Giern kommt he
wadder no Neegroben: Hinnik Kinau He bringt uns mit: „Mien
Vadder Rudl Kinau“ |
Maand |
Tied un Oort |
Veranstalten |
November |
Mittweken,
19. November Klock 18.00 in den „AWO-Senioren-Treff“ Neugrabener
Markt 7 |
Klönschnack
„Je-Ka-Mi“ (Jeedereen
kann mitmoken) Hier vertellt Ji Jon iernste oder ok lustige
Belevnisse. |
Maand |
Tied un Oort |
Veranstalten |
Dezember |
Sünndag, 7.
Dezember Klock 15.00 bit 17.15 Schützenheim
Neugraben Im
Neugrabener Dorf 48 Intritt:
10,00 € |
Wiehnachtsfier
He schull noch
mol wadder kommen. Sein Geschichten hebbt toveel Spoß un Freid mokt, ober
uns ok nodenken loten. Un he kommt: Klaus-Jürgen
Schlettwein
Dit
mol bringt he uns ut Güstrow mit: „Mien Adventskalenner“ |
Bi Kaffee un Koken wöllt
wi besinnlich tosamen sitten. |
Wi freit uns op Jon Beseuk un wünscht Jo all veel Vergneugen bi dat nee Programm.
De Vörstand
„Schoolkinner leest Platt“
In Harvst
geiht dat wadder los mit uns Vörleswettbewerb „Schoolkinner leest Platt“ för
de Schoolen in Finkwarder, Horborg, Wellemsborg un Süderelv. Ditmol sünd wi an
de Reeh, denn wi wesselt uns alle twee Joahr mit den Wettbewerb för ganz
Hamborg „Jungs un Deerns leest Platt“
af. Dat mach för de Kinner ut’n Süden een Vördeel sien, ober wi meent,
Platt ward to jede Tied schnackt un nich bloß alle twee Joahr.
Ünnerstütten kriegt wi dorbi von de Schoolbehörd
(Behörde für Bildung und Sport), de HAMBURGER
BANK, den QUICKBORN-VERLAG un von de
Schoolen, de mitmokt.
All Schoolen könnt mitmoken. Bi‘t letzte Mol hebbt von de rund 50 Schoolen in
den Utschriebungbezirk 12 Schoolen meld un rund 130 Kinner hebbt so mennigmol
to’n ierstenmol Platt schnackt un hebbt mit jümmer Liehrers fliedig övt.
Besonners scheun is dat denn, wenn een Jung oder Deern ankümmt un seggt:
„Herr Lehrer, nun kann ich meine Oma und meinen Opa richtig verstehen, wenn
die Platt sprechen.“
Ober worüm schnackt bloß Oma un Opa Platt? Wann hest Du to’n letztenmol mit
Dien Kinner Platt schnackt? Denn wörd de Kinner dat doch wat lichter in een
annere Sprok to denken un to schnacken, un wenn dat Platt wür, kunn een ok
wieder seggen: „Plattdüütsch leevt.“
HvE